ਕੰਮ-ਕਾਜ ਕਰਨਾ
ਦੁਨੀਆਂ ਭਰ ਵਿੱਚੋਂ ਸਭ ਤੋਂ ਨਵੀਨਤਾਮੁਖੀ ਅਤੇ ਗਤੀਸ਼ੀਲ ਅਰਥਚਾਰਿਆਂ ਵਿੱਚੋਂ ਇੱਕ ਦੀ ਗਹਿਮਾ-ਗਹਿਮੀ ਵਿੱਚ ਸਾਮਲ ਹੋਣਾ ਚਾਹੁੰਦੇ ਹੋ? ਵਧੀਆ ਥਾਂ ਬ੍ਰਿਟਿਸ਼ ਕੋਲੰਬੀਆ ਹੀ ਹੈ, ਅਤੇ ਵਧ ਰਹੀ ਆਰਥਿਕਤਾ ਸੂਬੇ ਭਰ ਵਿੱਚ ਹਰ ਖੇਤਰ ਵਿੱਚ ਹਜ਼ਾਰਾਂ ਹੀ ਮਿਆਰੀ ਨੌਕਰੀਆਂ ਪੈਦਾ ਕਰ ਰਹੀ ਹੈ।
ਰਹਿਣ ਅਤੇ ਕੰਮ-ਕਾਜ ਕਰਨ ਲਈ ਇਹ ਇੱਕ ਮਹਾਨ ਥਾਂ ਹੈ ਅਤੇ ਬ੍ਰਿਟਿਸ਼ ਕੋਲੰਬੀਆ ਦੇ ਬੇਹੱਦ ਪ੍ਰਤੀਯੋਗੀ ਕਾਰੋਬਾਰ ਅੰਤਰ-ਰਾਸ਼ਟਰੀ ਬਾਜਾਰ ਵਿੱਚ ਲਗਾਤਾਰ ਕਾਮਯਾਬੀ ਯਕੀਨੀ ਬਣਾਉਣ ਲਈ ਹੁਨਰਮੰਦ ਕਾਮਿਆਂ ਦੀ ਭਾਲ ਵਿੱਚ ਹਨ।
ਹਰ ਸਾਲ, ਬ੍ਰਿਟਿਸ਼ ਕੋਲੰਬੀਆ ਵਿੱਚ ਦੁਨੀਆਂ ਭਰ ਤੋਂ ਆਏ ਹਜਾਰਾਂ ਹੀ ਨਵੇਂ ਇਮੀਗ੍ਰੈਂਟਾਂ ਅਤੇ ਆਰਜੀ ਕਾਮਿਆਂ ਨੂੰ ਜੀ ਆਇਆਂ ਕਿਹਾ ਜਾਂਦਾ ਹੈ। ਆਪਣੇ ਹੁਨਰਾਂ ਅਤੇ ਪ੍ਰਤਿਭਾਵਾਂ ਕਿੱਤੇ ਲਾਉਣ ਲਈ ਤੁਹਾਨੂੰ ਮੌਕਿਆਂ ਦੇ ਢੇਰ ਮਿਲਣਗੇ! ਇਹ ਸੈਕਸ਼ਨ ਅਜਿਹੇ ਮੌਕਿਆਂ ਦੀ ਤਲਾਸ਼ ਕਰਨ ਵਿੱਚ ਅਤੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕੰਮ-ਕਾਜ ਕਰਨ ਬਾਰੇ ਜਾਣਕਾਰੀ ਹਾਸਲ ਕਰਨ ਵਿੱਚ ਤੁਹਾਡੀ ਮਦਦ ਕਰੇਗਾ।
ਰੋਜ਼ਗਾਰ ਲਈ ਬ੍ਰਿਟਿਸ਼ ਕੋਲੰਬੀਆ ਚੁਣਨ ਦੇ ਕੁੱਝ ਕਾਰਣ ਹੇਠਾਂ ਦੱਸੇ ਜਾ ਰਹੇ ਹਨ:
- ਵਰਤਮਾਨ ਆਰਥਿਕ ਵਾਧਾ ਸੁਰੱਖਿਅਤ, ਲੰਮੇ ਸਮੇਂ ਦੀਆਂ ਨੌਕਰੀਆਂ ਸਿਰਜ ਰਿਹਾ ਹੈ।
- ਬ੍ਰਿਟਿਸ਼ ਕੋਲੰਬੀਆ ਵਿੱਚ ਨਿਜੀ ਆਮਦਨ ਟੈਕਸ ਸਾਲਾਨਾ $108,000 ਤਕ ਦੀ ਆਮਦਨ ਵਾਲਿਆਂ ਤੇ ਲੱਗਣ ਵਾਲਾ ਟੈਕਸ ਹੋਰ ਕਿਸੇ ਵੀ ਸੂਬੇ ਤੋਂ ਘੱਟ ਹੈ।
- ਪਰਿਵਾਰਾਂ ਵੱਲੋਂ ਅਦਾ ਕੀਤੇ ਜਾਣ ਵਾਲੇ ਕੁੱਲ ਟੈਕਸ ਆਮ ਤੌਰ ਤੇ ਕੈਨੇਡਾ ਵਿੱਚੋਂ ਸਭ ਤੋਂ ਘੱਟ ਜਾਂ ਦੂਜੇ ਨੰਬਰ ਤੇ ਸਭ ਤੋਂ ਘੱਟ ਹਨ।
- ਅੰਦਾਜ਼ਨ 134.5 ਬਿਲੀਅਨ ਦੇ ਵੱਡੇ ਉਸਾਰੀ ਪ੍ਰਾਜੈਟ ਜਾਂ ਵਿਉਂਤੇ ਜਾ ਰਹੇ ਹਨ ਜਾਂ ਉਸਾਰੀ ਅਧੀਨ ਹਨ।
- ਬ੍ਰਿਟਿਸ਼ ਕੋਲੰਬੀਆ ਦਾ Provincial Nominee Program (ਸੂਬਾਈ ਨਾਮਜ਼ਦਗੀ ਦਾ ਪ੍ਰੋਗਰਾਮ) (ਅੰਗਰੇਜੀ) ਪਾਤਰਤਾ ਰੱਖਣ ਵਾਲੇ ਕਾਮਿਆਂ ਨੂੰ ਤੇਜ਼ ਰਫਤਾਰ ਇਮੀਗ੍ਰੇਸ਼ਨ ਪੇਸ਼ ਕਰਦਾ ਹੈ।
- ਦੁਨੀਆਂ ਦੀ ਆਰਥਿਕਤਾ ਦਾ ਧੁਰਾ ਏਸ਼ੀਆ-ਪੈਸਿਫਿਕ ਖਿੱਤੇ ਵੱਲ ਨੂੰ ਵਧ ਰਿਹਾ ਹੈ, ਜਿਸ ਨਾਲ ਬ੍ਰਿਟਿਸ਼ ਕੋਲੰਬੀਆ ਪੈਸਿਫਿਕ ਦਾ ਦੁਆਰ ਬਣ ਰਿਹਾ ਹੈ।
- ਬ੍ਰਿਟਿਸ਼ ਕੋਲੰਬੀਆ ਰੋਜ਼ਗਾਰ ਦੇ ਇੱਕ ਲਚਕਦਾਰ ਅਤੇ ਤੰਦਰੁਸਤ ਮਾਹੌਲ ਨੂੰ ਉਤਸ਼ਾਹਿਤ ਕਰਦਾ ਹੈ।
- ਸਾਡੇ ਰੋਜ਼ਗਾਰ ਨਾਲ ਸੰਬੰਧਤ ਕਾਨੂੰਨ ਬ੍ਰਿਟਿਸ਼ ਕੋਲੰਬੀਆ ਦੇ ਸਭਨਾਂ ਕਰਮਚਾਰੀਆਂ ਨੂੰ ਇੱਕ ਸਮਾਨ ਹਿਫਾਜ਼ਤ ਅਤੇ ਹੱਕ ਦਿੰਦੇ ਹਨ।
- ਸੰਨ 2010 ਦੀਆਂ Olympic and Paralympic Winter Games (ਓਲਿੰਪਕ ਅਤੇ ਪੈਰਾਲਿੰਪਕ ਵਿੰਟਰ ਗੇਮਜ਼) ਕਾਰੋਬਾਰ ਲਈ ਮੌਕੇ ਸਿਰਜਣਗੀਆਂ ਅਤੇ ਬ੍ਰਿਟਿਸ਼ ਕੋਲੰਬੀਆ ਨੂੰ ਸਭ ਤੋਂ ਚਾਅ-ਭਰਪੂਰ ਜਗ੍ਹਾ ਬਣਾਉਣਗੀਆਂ।
ਵਧੇਰੇ ਵੇਰਵੇ ਲਈ WorkBC (ਵਰਕਬੀ.ਸੀ.) (ਅੰਗਰੇਜੀ) ਵੈਬਸਾਈਟ ਵੇਖੋ ਜੀ।
